కావలిసినవి :
బొంబాయి రవ్వ : పావు కిలో
పంచదార : 150 గ్రాములు
నెయ్యి : 150 గ్రాములు
సిట్రిక్ ఆమ్లం : పావు స్పూన్
జీడిపప్పు : 50 గ్రాములు
పిస్తాపప్పు : కొద్దిగా
యాలకులపొడి : అరస్పూను
బొంబాయి రవ్వను శుభ్రంగా కడిగి ఒక గంటసేపు నాన బెట్టుకోవాలి.తరువాత రవ్వలో నీరు మొత్తం ఒంపేసి ఉంచుకోవాలి. పొయ్యిమీద బాణాలి పెట్టి సగం నెయ్యివేసి వేడెక్కిన తరువాత మంటను తగ్గించి రవ్వను నెమ్మదిగా పోస్తూ గడ్డకట్టకుండా కలియబెడుతుండాలి. తరువాత మిగిలిన నెయ్యి పోసి పంచదార కూడా పోసి కలియబెట్టాలి. పంచదార పూర్తిగా కలిసిన తరువాత సిట్రిక్ ఆమ్లం,మిగిలిన నెయ్యి జీడిపప్పు, పిస్తాపప్పు, యాలకుల పొడి వేసి అన్నీ కలియబెట్టి దింపుకోవాలి. దీనిని నెయ్యి రాసిని ప్లేట్ లోనికి సమానంగా పరచి ముక్కలుగా కోసుకోవచ్చు.