కావలిసిన పదార్ధాలు
ఒక కొబ్బరికాయ
అరకిలో బియ్యం,
అరకిలో బెల్లం
కొద్దిగా యాలకుల పొడి
నూనె తగినంత
బియ్యాన్ని 24గంటలపాటు నానబెట్టుకొని నీరు లేకుండా శుభ్రంగా వడకట్టి పిండి పట్టించుకోవాలి. కొబ్బరి తురిమి ఉంచుకోవాలి. బెల్లంను చిన్న చిన్నముక్కలుగా పొడిగొట్టుకొని వెడల్పాటి బాణాలిలో వేసి పొయ్యిమీద ఉంచి లేత పాకం పట్టుకోవాలి. గరిటతో కొద్దిగా పాకంను నీటిలో వేస్తే తేలిగ్గా ఉండకట్టేటట్లు ఉండాలి. కొబ్బరి తురుము వేసి నాలుగైదు నిమిషాలు ఉడికించి అందులో బియ్యం పిండివేస్తూ ఉండ కట్టకుండా నెమ్మది నెమ్మదిగా వేస్తూ పొడవాటి చెక్కగరిటతో బాగా కలపాలి. యాలకుల పొడి కూడా వేసి కలిపి దించుకోవాలి. పిండి చల్లారాక చిన్న చిన్న ఉండలు చేసి పాలకవర్ పైన గుండ్రంగా వత్తుకొని నూనెలో రెండుపక్కలా వేయించుకోవాలి.