మనోజ్ బాజ్ పాయ్ హిందీ చిత్రాల హీరో. కొన్ని తెలుగు, తమిళ చిత్రాలలో కూడా నటించాడు. రెండు సార్లు జాతీయ అవార్డులు, నాలుగు సార్లు ఫిలింఫేర్ అవార్డులు పొందాడు. భారత ప్రభుత్వం ఇతనిని పద్మశ్రీ అవార్డుతో సత్కరించింది.
1969 ఏప్రియల్ 23వ తేదీన బీహార్ రాష్ట్రంలోని బెల్వా గ్రామంలో జన్మించాడు.
1994 లో డ్రోకాల్ అనే సినిమాలో కేవలం ఒక నిమిషం పాటు నటించాడు. 1998లో రామ్ గోపాల్ వర్మ నిర్మించిన సత్య సినిమాలో నటించి ఉత్తమ సహాయనటుడిగా జాతీయ స్థాయిలో అవార్డు పొందాడు. తరువాత కౌన్, షూల్ చిత్రాలలో నటించాడు. 2010లో రాజ్ నీతి అనే రాజకీయ సినిమాలో నటించాడు.
2012 చక్రవ్యూహ్ అనే సినిమాలో నక్సలైట్ గా నటించాడు. 2013లో స్పెషల్ 26 అనే సినిమాలో సి.బి.ఐ ఆఫీసర్ గా నటించాడు.