వేదిక తమిళ, తెలుగు, మళయాళ, కన్నడ చిత్రాల నటి. మద్రాసి తమిళ సినిమాతో చలన చిత్ర రంగంలో ప్రవేశించింది. 2013 సం.లో వేదిక నటించిన ‘పరదేశి’ గొప్ప విజయాన్ని సాధించింది ఈ సినిమా నేషనల్ అవార్డు సాధించింది. కన్నడంలో ఈమె నటించిన ‘శివలింగ’ కన్నడరంగంలో బ్లాక్ బ్లస్టర్ గా నిలిచింది. .
తరువాత తమిళంలో వేదిక నటించిన కాంచన-3 దక్షిణాది సినీ రంగంలో గొప్ప విజయాన్ని సాధించి 100 కోట్ల పైన వసూలు చేసింది.
ఈమె మహారాష్ట్రలోని షోలాపూర్ లో ఫిబ్రవరి 21, 1983 సం.లో జన్మించింది. వేదిక ఉన్నత విద్యావంతురాలు. లండన్ లో బిజినెస్ అడ్మనిస్ట్రేషన్ లో యం.యస్.సి పూర్తి చేసింది. .
కథక్, భరతనాట్యాలలో శిక్షణ పొందింది. తెలుగులో మొదటిగా శివకాశి సినిమాలో నటించింది. తరువాత ముని, విజయదశమి, బాణం, దగ్గరగా దూరంగా మొదలగు సినిమాలలో నటించింది. 2019 సం.లో బాలకృష్ణ హీరోగా నటించిన తెలుగు సినిమా ‘రూలర్’ లో నటించింది.