మొజాంబిక్ తూర్పు ఆఫ్రికాలోని స్వతంత్ర్య దేశం. ఉత్తర దిశలో టాంజానియా, పశ్చిమాన మలావీ, జాంబియా, బోట్స్ వానా, జింబాబ్యే, దక్షిణాఫ్రికా, దక్షిణ దిశలో స్వాజిలాండ్, తూర్పున హిందూ మహాసముద్రం ఉన్నాయి. ఈ దేశం పోర్చుగల్ నుండి 1975 సంవత్సరంలో స్వాతంత్ర్యం సంపాదించుకుంది.
ఈ దేశ రాజధాని నగరం మాపుటో. ఈ దేశ విస్తీర్ణం 7,99,380 చ.కి.మీ. మలావీ, షోనా, మాకొండే., షోనా జాతి ప్రజలు ఉన్నారు. వీరి అధికార భాష పోర్చగీస్. వీరి కరెన్సీ Mozambican metical . ఈ దేశంలో ప్రధానంగా క్రైస్తవులు, ముస్లింలు ఉన్నారు.
పశ్చిమ దిశలో మలావీ సరస్సు ఉంది. జాంబజీ నది, సావే నది, లింపోపో నది. ఢిఫాంట్స్ నది తూర్పుగా ప్రవహించి హిందూ మహాసముద్రంలో కలుస్తున్నాయి.
జీడిమామిడి, కొబ్బరి, సిసాల్ నార, జొన్న, వరి, చెరకు, తేయాకు, మొక్కజొన్న, కర్రపెండలం, అరటి పండ్లు, వేరుసెనగ, చిరుగడం వ్యవసాయ ఉత్పత్తులు.
ఖనిజ సంపద పుష్కలంగా లభిస్తుంది. నేలబొగ్గు, వజ్రాలు, బాక్సైట్ ఉన్నాయి. బెరిల్, టాంటలైట్ ఖనిజాలు ఎక్కువగా లభిస్తున్నవి.