telugu kiranam

Malphizia

తిరిగి వెనుకకు

మాల్ఫిజియా పూల మొక్కలు
మెరిసే ఆకులు, నక్షత్రాల లాంటి పూలు, పగడాలని గుర్తు చేసే కాయలతో నిండుగా కనిపించే మొక్కలు మాల్ఫిజియా మాల్ఫీజియా మొక్కకు . తెలుపు, గులాబీ రంగుల పూలు ఏడాదంతా పూస్తాయి. ఈ మొక్కల ఆకులు హోలీ మొక్కను పోలి ఉండటం వల్ల దీన్ని సింగపూర్ లేదా డ్వార్ఫ్ హోలీ అని పిలుస్తారు. ఇది ఒకటి నుండి మూడడుగుల ఎత్తలో పెరిగే చిన్నపొద గుబురుగాముళ్లతో ఉండి కత్తిరింపులకు బాగా తట్టుకుంటుంది. దీని చిన్న ఆకులు ముదురాకు పచ్చ రంగులోమెరుస్తూ రంపపు పళ్ళ వంటి అంచులతో ధృఢంగా ఉంటాయి.పూలు సున్నితంగా తెలుపు, గులాబీ రంగులలో నొక్కుల అంచులతో కనువిందు చేస్తాయి. పూలు ఏడాది పొడవునా పూస్తాయి.
ఎక్కడైనా అనువుగా చక్కని ఆకృతిలో గుబురుగా ఎదిగే ఈ మొక్క అన్నిచోట్లా సులువుగా పెరుగుతుంది. ముఖ్యంగా చిన్న చిన్న ఆకులు, ముళ్ళు ఉండటం వలన రాక్ గార్డెన్ కూ, చిన్నగా ఉండటం వలన గోడల పక్కనా నాటుకుంటే చూడముచ్చటగా కనిపిస్తాయి. వివిధాకృతులలో కత్తిరించుకునే వీటిని కుండీలలో సులభంగా పెంచుకోవచ్చు. బోన్సాయ్ ని పెంచుకోవాలనుకునే వారికి ఇది మొదటి ఎంపిక.
మన వాతావరణంలో చక్కగాపెరిగే ఈ మొక్కలకు ఎరువులు అవసరం లేదు.ఎలాంటి నేలలో అయినాపెరిగే ఈ మొక్క ఎండలో ప్రకాశవంతంగా ఎదుగుతుంది. కొద్దిపాటి నీడను తట్టుకోగలదు. తేమఉండి నీరు నిలవని మట్టి మిశ్రమాన్ని దీనికోసం ఎంచుకోవాలి. మొక్కను నాటుకునేటప్పుడే మట్టిలో వర్మీ కంపోస్ట్ కలుపుకోవాలి. లేదా తేమ ఉండే నీరు నిలవని మట్టి మిశ్రమంలో చక్కగాపెరుగుతుంది.రెండు నెలలకోసారి ఎన్ పీ కే ఉండే సమగ్ర ఎరువుని మొక్కకు అందించాలి. దీనికి చీడపీడలు పెద్దగా ఆశించవు. నెలకోసారి వేప కషాయాన్ని కానీపిండిని కానీ చల్లితే పురుగుల బెడద ఉండదు. ఈ మాల్ఫీజియాను కత్తిరించి నాటుకోవటం ద్వారా ప్రవర్ధనం చేయవచ్చు. నర్సరీలలో లభిస్తాయి.
బోడెంపూడి శ్రీదేవి (ల్యాండ్ స్కేప్ కన్సల్టెంట్) సౌజన్యంతో...