telugu kiranam

Rock Kreeper

తిరిగి వెనుకకు

రాక్ క్రీపర్
miracle fruitsఇళ్లపై అందంగా పెరిగే మొక్కే రాక్ క్రీపర్. దీని శాస్త్రీయ నామం పైకస్ ప్యుమిలా లేక పైకస్ రిటర్న్. ఈ మొక్కలను కాంక్రీట్ భవనాలను పచ్చగా మారుస్తాయి. తక్కువ సమయంలో అందమైన టోపియరీలుగా రూపొందించుకునే వెసులుబాటు ఉంది. వీటిని పెంచుకోవటం చాలా సులువు. ఎలాంటి నేలలోనైనా పెరుగుతాయి. ఎక్కువ ఎండలోనూ కొద్దిపాటి నీడలోనూ పెరుగుతాయి. సాధారణంగా రెండు నుంచి ఏడు మీటర్ల ఎత్తులో పెరుగుతాయి.ఇంకా శ్రద్ధ తీసుకుంటే రెండు, మూడు అంతస్తులపైన కూడాపెరిగి భవనాన్ని పూర్తిగా కప్పివేయగలవు.
రాక్ క్రీపర్ వర్షాకాలంలో గోడకు దగ్గరగా బాగా ఎరువు కలిపిన గుంటల్లో అడుగుమదూరంలో వర్షా కాలంలో నాటితో త్వరగా గోడకు అంటుకుని పెరుగుతుంది. దీనికున్న గాలివేర్ల ద్వారా ఆధారాన్ని గట్టిగా పట్టుకుని అల్లుకుపోతుంది.
హ్యాంగింగ్ పాట్స్ లో పెంచుకున్నా బాగుంటుంది. దీని ఆకులు చిన్నగా కోడిగుడ్డు లేదా లవ్ సింబల్ ఆకారంలో లేత ఆకుపచ్చ రంగులో ఉంటాయి. ముదురు కొమ్మల ఆకులు కొంచెం పెద్దగా మందంగా ముదురాకు పచ్చరంగులో ఉంటాయి. పూలు, కాయలు మామూలుగా ఉంటాయి.
రాక్ క్రీపర్ కు ప్రూనింగ్ తప్పనిసరి. జాగ్రత్తగా అదుపులో ఉంచకపోతే ఇది కీటికీలనూ, గోడలలోని కంకరను కూడా తొలిచివేస్తుంది. ఇంట్లో పెంచుకునేటపుడు రసం పీల్చే పురుగులు ఆశించ వచ్చు. వేప, కానుగ, వెల్లుల్లి కషాయాలను క్రమం తప్పక వాడితే మంచిది. ఎరువులు పెద్దగా వేయవలసిన అవసరం లేదు. అప్పుడప్పడూ నేలలో వర్మీకం పోస్టును కలపడంతో పాటూ నత్రజని ఎక్కువగా ఉండే డిఏపీవంటి ఎరువులను నెలకొకసారి వాడితే సరిపోతుంది. దీనిని కటింగ్ ల ద్వారా పెంచుకోవచ్చ. నర్సరీలలో కూడా దొరకుతాయి.
బోడెంపూడి శ్రీదేవి (ల్యాండ్ స్కేప్ కన్సల్టెంట్) సౌజన్యంతో...