header

Peddamma Gudi......Jubli Hills…పెద్దమ్మగుడి, హైదరాబాద్‌

Peddamma Gudi......Jubli Hills…పెద్దమ్మగుడి, హైదరాబాద్‌

ఈ ఆలయం జూబ్లిహిల్స్‌ రోడ్‌ నెం.55 లో ఉన్నది. గుడి చరిత్ర గురించి ఖచ్చితమైన ఆధారాలు లేవు. కాని దేవాలయం 150 సంవత్సరాల క్రితందిగా చెప్పబడుచున్నది. ఇప్పటి గుడి కాంగ్రేస్‌ నేత పి. జనార్థనరెడ్డి చొరవతో నిర్మించబడ్డది. పి. జనార్థనరెడ్డి అమ్మవారి భక్తుడు. ఈ తల్లి ప్రేరణతో ఆలయ నిర్మాణానికి పూనుకొన్నాడు. 1993లో ప్రారంభమైన ఈ నిర్మాణం ఏడాదికల్లా పూర్తయి హంపి విరుపాక్ష స్వామి చేతుల మీదుగా ఘనంగా ప్రారంభోత్సవం జరిగింది. అదే సంవత్సరంలో రాజగోపురం, లక్ష్మీ, సరస్వతీ ఆలయాలు కూడా కట్టబడినవి.
నవశక్తి మరియు నాగదేవత ఆలయాలు కూడా తరువాత నిర్మించబడ్డవి. ఇక్కడ జరుగు పండుగలలో తెంగాణా ప్రాంతీయమైన బోనాల పండుగ ప్రసిద్ధి చెందినది. పెద్దమ్మ అనగా అమ్మలకు అమ్మ అని ప్రసిద్ధి. 11 మంది గ్రామదేవతలలో ఈ అమ్మ ఒకరు. ఆషాఢ మాసంలో బోనాల ఉత్సవాలు జరిగే సమయంలో ఈ గుడిని తప్పక దర్శించవసినదే .మరియు రధోత్సవం కూడా ఇక్కడ జరుగు ఉత్సవాలలో ప్రముఖమైనది.
ఉత్సవాలు : పెద్దమ్మ గుడిలో జరిగే ఉత్సవాలలో ముఖ్యమైనవి దసరా నవరాత్రులు, శాకంబరీ ఉత్సవాలు, ఆషాఢ బోనాలు ఘనంగా నిర్వహిస్తారు. ప్రతి మంగళవారం నాగదోష పూజలు చేస్తారు. మాఘశుద్ధ పంచమి నుండి సప్తమి వరకు వార్షిక రథోత్సవం కన్నుల పండుగుగా జరుగుతుంది. భక్తుల సౌకర్యం కోసం 40 షెడ్లు మరియు వసతి గృహాలు నిర్మించారు.యాగశాల, పుష్కరిణి కూడా ఉన్నవి
అన్నదానం : ప్రతి మంగళ, శుక్రవారాలో అన్న సంతర్పణ కార్యక్రమం ఉంటుంది. అన్నదానానికి విరాళాలు ఇవ్వవచ్చు.
ఎలా వెళ్ళాలి ? : జంట నగరాలలో వివిధ ప్రాంతల నుండి బస్సు సౌకర్యం కలదు. జూబ్లీహిల్స్‌ చెక్‌పోస్ట్‌ మీదుగా హైటెక్‌ సిటీ,కొండాపూర్‌ వెళ్ళే బస్సులో ఎక్కి పెద్దమ్మ గుడి వద్ద దిగవచ్చు. సొంత వాహనాలలో వెళ్లేవారు జుబ్లి చెక్ పోస్ట్ నుండి హైటెక్ సిటీ వెళ్లే దారిలో ఉన్న ఈ అమ్మవారి ఆలయానికి చేరుకోవచ్చు.