telugukiranam

Vaikunta Ekadasi / Mukkoti Ekadasi

తెలుగు వారి పర్వదినాలు – వైకుంఠ ఏకాదశి (ముక్కోటి ఏకాదశి)

తెలుగువారి పర్వదినాలు తెలుగుకిరణం

వైకుంఠ ఏకాదశి పాలకడలిపై శేషతల్పంపై శయనించిన స్వామి వైకుంఠ ఏకాదశి రోజున కోటి వెలుగులతో దర్శనమిస్తాడు..ముక్కోటి దేవతలు శ్రీమన్నారాయణుని దర్శించుకునే రోజు

కాబట్టి ముక్కోటి ఏకాదశి అని కూడా పిలుస్తారు. తిరుమలతో సహా అన్ని దేవాలయాలలో ఉత్తరంవైపున ఉండే వైకుంఠద్వారాన్ని తెరుస్తారు ఈ రోజున. సౌరశక్తి ఉత్తరాయణానికి మారే సుదినం. గాయత్రిని మించిన మంత్రం, తల్లిని మించిన దైవం, కాశీని మించిన క్షేత్రం , ఏకాదశిని మించిన వ్రతం లేదంటాయి శాస్ర్తాలు. ఉపవాసం అంటే భగవంతునికి దగ్గరగా వసించడం. వైకుంఠ ఏకాదశి రోజున ఉపవశించే భక్తులంటే మహావిష్ణువుకు ప్రీతి.ఉపవాస వ్రతంలో మౌనం కూడా అంతర్లీనమై ఉంటుంది. ఉపవాసం కారణంగా జీర్ణవ్యవస్థకు కూడా కాస్త విశ్రాంతి దొరకుతుంది. ప్రహ్లాద, , నారద, పరాశర, పుండరీక, వ్యాస, అంబరీష, శుకశౌనకాదులు, భీష్ముడు ఏకాదశి వ్రతాన్ని పాటించే పరమపదానికి చేరుకున్నారని పురాణాలు చెబుతున్నాయి. సాధారణంగా ముక్కోటి ఏకాదశి జనవరి నెలలో వస్తుంది.