ప్రసిద్ధి చెందిన క్రీడాకారులు పుల్లెల గోపీచంద్, కరణం మల్లేశ్వరి, సైనా నెహ్వాల్, ప్రసిద్ధ చదరంగ క్రీడాకారిణి కోనేరు హంపి ఆంధ్రప్రదేశ్ కు చెందినవారే
ప్రపంచవ్యాప్తంగా పేరు పొందిన కూచిపూడి నాట్య జన్మస్థలం ఆంధ్ర ప్రదేశ్ లోని కృష్ణా జిల్లాలో కల కూచిపూడి అనే ఒక చిన్న గ్రామం.
కాకినాడ ఖాజాలు, బందరులడ్డూలు, తాపేశ్వశ్వరం పూతరేకులు, ఇంకా అనేక రకాల ఆంధ్రప్రదేశ్ వంటకాలు దేశవ్యాప్తంగానే కాక ప్రపంచవ్యాప్తంగా పేరుపొందినవి.
ఆంధ్ర ప్రదేశ్ లో విమానాశ్రయాలు విశాఖపట్నం రాజమండ్రి, తిరుపతిలలో కలవు. ఇవి కాక, విజయవాడ విమానాశ్రయంను అంతర్జాతీయ విమానాశ్రంగా అభివృద్ధి చేస్తున్నారు. ఆంధ్రప్రదేశ్ లోని దాదాపు అన్ని ప్రాంతాలకు రోడ్డు మరియు రైలు మార్గాల ద్వారా చేరుకోవచ్చు. ఆంధ్రప్రదేశ్ నుండి దేశంలోని అన్ని ప్రధాన నగరాలకు రైలు మార్గాలున్నవి.