To Improve Platelets in Blood….రక్తంలో ప్లేట్ లెట్స్ పెరగటానికి మంచి ఆహారం...
మన రక్తంలో 1,50,000 నుండి 4,50,000 ల ప్లేట్లెట్స్ ఉంటాయి, శరీరానికి ఏదైనా గాయం వల్ల రక్తం బయటకి వచ్చినప్పుడు ఆ రక్తాన్ని గడ్డకట్టేలా మరియు గాయం తొందరగా తగ్గిపోయేలా పని చేస్తాయి, ప్లేట్లెట్స్ మన శరీరంలో రక్తానికి సంభందించిన అన్ని రిపేర్లని సమర్థవంతంగా చేస్తాయి, ఈ ప్లేట్లెట్స్ సంఖ్య తగ్గిపోతే మనిషి ప్రాణాలకే ప్రమాదం, ప్లేట్లెట్స్ సంఖ్య తగ్గిపోయినప్పుడు తీవ్రంగా జ్వరం, బిపి, హార్ట్ అటాక్, నీరసం వచ్చే ప్రమాదం ఉంటుంది, ఎప్పటికప్పుడు ప్లేట్లెట్స్ సంఖ్య తగ్గిపోకుండా చూసుకోవాలి, మనం బ్లడ్ టెస్ట్ చేయించుకుంటే మన రక్తంలో ఎన్ని ప్లేట్లెట్స్ ఉన్నాయో తెలుస్తుంది. మనం తినే ఆహరం పైనే ప్లేట్లెట్స్ సంఖ్య ఆధారపడి ఉంటుంది, ప్లేట్లెట్స్ సంఖ్య తగ్గిపోకుండా ఉండాలంటే కింద సూచించిన వాటిని ఎక్కువగా తినాలి.
బీట్ రూట్ ప్లేట్ లెట్స్ ను పెంచడంలో చాలా సహాయపడుతుంది. అనీమియాతో బాధపడే వారు తప్పకుండా ఈ దుంపలను తీసుకోవాలి.
క్యారెట్ క్యారెట్ వంటి దుంపలు వారంలో కనీసం రెండు సార్లైనా తినాలి
బొప్పాయి ..రక్తం తక్కువగా ఉన్నప్పుడు కొద్ది నెలలపాటు క్రమం తప్పకుండా బొప్పాయి తీసుకోవడం మంచిది.
వెల్లుల్లి ... శరీరంలో నేచురల్ గా ప్లేట్ లెట్స్ పెంచుకోవాలంటే, వెల్లుల్లిని తినాలి. వంటల్లో వెల్లుల్లితో పాటు రెండు రెబ్బలను విడిగా తినటం మంచిది..
ఆకుకూరలు .... శరీరంలో ప్లేట్ లెట్స్ తక్కువగా ఉన్నప్పుడు, విటమిన్ కె పుష్కలంగా ఉన్న ఆకుకూరలు ప్రతి రోజూ తినటం మంచిది.
దానిమ్మ ... ఎర్రగా ఉండే అన్ని రకాల పండ్లలోనూ ఐరన్ అధికంగా ఉంటుంది. ఇవి ప్లేట్లెట్ కౌంట్ ను పెంచడానికి బాగా సహాయపడుతాయి.
ఆప్రికాట్ ... ఐరన్ అధికంగా ఉన్నపండ్లలో మరొకటి ఆప్రికాట్ . రోజుకు రెండు సార్లు ఆప్రికాట్ ను తినడం వల్ల ప్లేట్లెట్ లెవల్స్ పెంచుకోవచ్చు.
ఎండు ద్రాక్ష ... రుచికరమైన డ్రై ఫ్రూట్స్ లో 30శాతం ఐరన్ ఉంటుంది. ఒక గుప్పెడు ద్రాక్ష తినడం వల్ల ప్లేట్లెట్స్ సహజంగా పెరుగుతాయి.
ఖర్జూరం .... ఎండు ఖర్జూరంలో కూడా ఐరన్ మరియు ఇతర న్యూట్రీషియన్స్అధికంగా ఉంటాయి కాబట్టి, సహజంగా ప్లేట్లెట్స్ సంఖ్య పెరగటానికి సహాయపడుతాయి.
