ఔషధ రంగంలో రిసెర్చ్‌, స్వయం ఉపాధి, కార్పొరేట్‌ ఉద్యోగాలను కోరుకునేవారు ఈ కోర్సును ఎంచుకోవచ్చు. ఎంసెట్‌ ద్వారా ఇందులోకి అడుగు పెట్టవచ్చు.
బీ ఫార్మసీ: ఈ కోర్సు పూర్తిచేసినవారు ఫార్మసిస్ట్‌, డ్రగిస్ట్‌, పేషెంట్‌ కౌన్సెలింగ్‌ లేదా ఫార్మా సంస్థలో ప్రొడక్షన్‌, క్వాలిటీ విభాగాల్లో ఉద్యోగావకాశాలను పొందొచ్చు. డ్రగ్‌ ఇన్‌స్పెక్టర్‌, ఫార్మసిస్ట్‌ వంటి ప్రభుత్వ ఉద్యోగాలకు అర్హత లభిస్తుంది. మెడికల్‌ కోడింగ్‌లో వీరికి డిమాండ్‌ ఉంది. బహుళజాతి సంస్థలు వీరికి మంచి వేతనాలను అందిస్తున్నాయి.
ఫార్మా-డీ: ఇటీవలి కాలంలో అభివృద్ధి చెందుతున్న సమకాలీన కోర్సుల్లో ఫార్మా-డీ ప్రముఖమైంది. ఔషధ వినియోగం, వ్యాధి నిర్ధారణ-చికిత్స, ఔషధ ప్రతికూల ప్రభావాల సేకరణ, పర్యవేక్షణకు సంబంధించిన విజ్ఞానశాస్త్రమే ఫార్మా-డీ. ఈ కోర్సు వ్యవధి ఆరేళ్లు. ఫార్మసీ కౌన్సిల్‌ ఆఫ్‌ ఇండియా వారు ఈ కోర్సుకు గుర్తింపు ఇచ్చారు. దీన్ని పూర్తిచేసినవారికి మెడికో మార్కెటింగ్‌, ఫార్మకో విజిలెన్స్‌, ఔషధ నియంత్రణ పట్టాల డెవలప్‌మెంట్‌, క్లినికల్‌ డేటా మేనేజ్‌మెంట్‌, డ్రగ్‌ ఎక్స్‌పర్ట్‌, కమ్యూనిటీ ప్రాక్టిషనర్‌ వంటి వివిధ ఉద్యోగావకాశాలున్నాయి.