Wonders of Nature….ప్రకృతి వింతలు...

Eternal Flame Falls.. జలపాతంలో వెలుగుతున్న అగ్నిజ్యాల.. న్యూయార్క్ నగరంలో ఓ చిన్న జలపాతం ఉంది. ఈ జలపాతంలో లోపల ఒక చిన్న అగ్నిజ్యాల వెలుగుతూ ఉంటుంది. ఇది ప్రకృతి సహజంగా ఏర్పడినదని శాస్త్రవేత్తలు తెలిపారు. ఈ అగ్నిజ్యాల నిరంతం సంవత్సరంలో 365 రోజులు వెలుగుతూనే ఉంటుందట. దీని పరిమాణం ఏడు అంగుళాల ఎత్తు ఉంటుంది. ఒక ప్రత్యేకమైన రాతినుండి ప్రకృతి సహజంగా విడుదలయ్యే గ్యాస్ వలన అక్కడ చిన్న చిన్న మంటలు ఏర్పడి చూసేవారికి నీటిలో వెలుగుతున్న అగ్నిజ్యాలలాగా కనబడుతుంది. ఇది అభూత కల్పన కాదు న్యూయార్క్ నగరంలో Chestnut Ridge Park, Erie Country, New York అనే చోట ఉన్నది. .....................................................................................................................................................
Mornining Glory Clouds…Gulf of Australia ఈ వింతైన మబ్బులు ఒక రోల్ లాగా పొడవుగా చుట్టుకుని ఉంటాయి. ఇవి నేల నుండి కేవలం వంద మీటర్ల ఎత్తులో ఉంటాయి. ప్రపంచంలో కేవలం గల్ఫ్ ఆఫ్ ఆస్ట్రేలియాలో ఏర్పడే ఈ మబ్బులను మనం ప్రతి రోజూ చూడవచ్చు. ఈ వింతను ఆస్ట్రేలియాకు చెందిన రాయల్ ఏయిర్ ఫోర్స్ కు చెందిన పైలట్ 1942 సం.లో కనిపెట్టి తెలియచేసాడు. ఈ వింత మేఘాల జన్మస్థానం : Southern part of the Gulf of Carpentaria in Northern Australia .....................................................................................................................................................
Great Blue Hole..సముద్రంలో ఏర్పడిన ఓ వింత గొయ్యి...
Giant Marine Sinkhole గా పిలువబడే ఈ సముద్రంలో ఏర్పడిన ఓ వింత పరిణామం. ఇది 15 వేల సంవత్సరాల క్రితం ఏర్పడినదని శాస్త్రవేత్తలు చెబుతున్నారు. దీని విశేషం ఏమిటంటే ఇది 1043 అడుగుల చుట్టుకొలతతో ఉండి 407 అడుగుల తోతుగా ఉంటుంది. ఇది యునెస్కో చేత ప్రపంచ వారసత్య సంపదగా గుర్తింపు పొందింది.
స్కూబా డైవింగ్ అంటే ఇష్టపడేవారికి ప్రపంచంలో ఇంతకన్నా మరో స్కూబా డైవింగ్ ప్రాంతం లేదంటారు. స్వచ్ఛమైన ఈ నీటిలో డైవింగ్ చేసేవారికి రకరకాల చేపల జాతులు దర్శనమిస్తాయి. ఈ ప్రదేశం 2012 సంవత్సరంలో డిస్కవరీ ఛానెల్ వారిచే ప్రపంచంలో 10 అత్యుత్తమ ప్రదేశాలలో ఒకటిగా గుర్తించబడింది.
ఎక్కడ ఉంది...? సెంట్రల్ అమెరికాలోని Belize నగరంలో ఉంది. ఈ ప్రదేశం పర్యాటక ప్రాంతంగా కూడా పేరు పొందింది. .....................................................................................................................................................
Sailing Stones(walking stones) నడిచే రాళ్లు...
ప్రయాణించే రాళ్లు లేక నడిచే రాళ్లుగా పిలువబడే ఈ రాళ్లు మానవుల జోక్యం లేక ఎటువంటి పరికరాలు లేకుండానే నడుస్తాయి. 2004 లో శాస్త్రవేత్తలు వీటి రహస్యం కనిపెట్టేదాకా ఇది ఒక వింతగానే మిగిలి పోయింది. శాస్ర్తవేత్తలు వీటికి కెమెరాలు బిగించి వీటి రహస్యాన్ని కనుగొన్నారు.
శీతాకాలపు చెరువులు ఎండాకాలంలో ఎండిపోవటం వలన వాటిలో ఉన్న ఈ పెద్ద రాళ్బయటబడతాయి. కానీ ఈ రాళ్లకింద మందంగా ఉన్న మంచుపొరలు కరగకుండా అలాగే ఉంటాయట. బలమైన గాలులు వీచినపుడు ఈ రాళ్లకింద ఉన్న మంచుపలకల కారణంగా ఇవి ఒక నిమిషానికి 5 మీటర్లు ప్రయాణిస్తాయని శాస్ర్తవేత్తలు తేల్చి చెప్పారు.
ఎక్కడ ఉన్నాయి...? ఇవి ఎక్కువగా Racetrack Playa, Death Valley National Park, California, లో ఉన్నాయి .....................................................................................................................................................